Pronari i fabrikës së ujit gjendet i vdekur me gruan në banesë, nisin hetimet

Një ngjarje e rëndë ka ndodhur në Junik të Gjakovës ku Mic Tofaj pronar i fabrikës së ujit “Juniku” dhe bashkëshortja e tij Fatlinda Maloku Tofaj kanë humbur jetën tragjikisht në bjeshkët e kësaj komune.

Zëdhënësi i Prokurorisë Themelore të Pejës, Shkodran Nikçi tha se trupat e pajetë u gjetën në një shtëpi banimi në bjeshkët e Junikut.

Bëhet e ditur se një prokuror i krimeve të rënda është duke shkuar në vendin e ngjarjes.

“Janë dy trupa të pajetë që janë gjetur në një shtëpi banimi në bjeshkët e Junikut. Prokurori i krimeve të rënda është duke shkuar në vend të ngjarjes”, tha Nikçi duke shtuar se trupat do të dërgohen për autopsi në Mjekësinë Ligjore.

E ndërsa kanë nisur hetimet për ngjarjen e rëndë, më herët një faqe me emrin “Deçani” shkroi pak më herët në Facebook se ata vdiqën “si pasojë e plasjes së një bumbole gazi”.

LEXONI GJITHASHTU:

• U futën në përrua për të shpëtuar qenin, gjenden të vdekura dy mikeshat italiane
• 6 marinarë gjenden të vdekur pas fundosjes së nëndetëses tajlandeze