Mjekët veterinar të rrezikuar, Resuli: Në disa raste, nuk kanë mjete mbrojtëse

Prania e sëmundjeve të ndryshme tek kafshët bujqësore rrit rriskun për infektim të personave që janë në kontakt të afërt. Presidenti i Urdhërit të Mjekut Veteriner, ngre shqetësimin se këto situata prekin mjekët të cilët shpesh punojnë edhe pa mjete mbrojtëse pasi ato mungojnë.

“Sa i përket mjekëve veteriner shtetëror shohim dhe mungesë të bazës mbështetesë të punës së tyre veterineare e cila na ka dhënë në statistike të ralla në krahasim me vite me përpara po na ka dhënë raste të kontaminimeve me sëmundje të ndryshme”, tha Ervin Resuli, President i Urdhërit të Mjekut Veterinar.

Po cilat janë mjetet e domosdoshme për mjekët veteriner, që në fakt nuk i dsiponojnë.

“Kryesisht flasim për mjete mbështetëse sic janë doreza, syze, veshjet një përdorimshe, desifektantët, cizmet, detergjentët që duhen paar se të hysh apo kur del nga ferma, këto janë mjetet mbështesin punën veterinare në terren”, tha Resuli.

Ashtu si tek njerëzit edhe sëmundshëmria tek kafshët është prezente. Në fund të vitit 2023, Instituti i Shëndetit Publik ka bërë me dije se në Kolonjë është konfirmuar prania e antraksit në 3 lopë të ngordhura, ndërsa veterineret ende janë nën monitorim pa shenja të transmetimit të sëmundjes.

LEXONI GJITHASHTU:

• Rezistenca nga antibiotikët, kreu i urdhrit të mjekut veteriner: Problem global
• Ervin Resuli: 600-800 mijë lekë paguhet një veteriner në Shqipëri