Kaosi në Kuvend dhe komisione, përjashtohen nga seancat 4 deputetë të PD

Deputetët Gazment Bardhi dhe Flamur Noka janë përjashtuar me 10 ditë nga seancat parlamentare dhe komisionet parlamentare, ndërkohë që me 5 ditë janë përjashtuar deputetët Bledjon Nallbati dhe Asllan Dogjani.

Ky është vendimi i marrë nga sekretariati i etikës. Mbledhja u bojkotua nga 2 deputetët e opozitës, anëtarë të sekretariatit të etikës, Saimir Korreshi dhe Bledjon Nallbati.

PS dorëzoi sot gjatë ditës 2 kërkesa në komisionin e etikës, ku kërkonin përjashtimin e  deputetëve në fjalë për sjelljen e tyre gjatë seancë të së hënës në nisje të sesionit të ri parlamentar dhe gjatë seancë së komisionit të medias dy ditë më parë, ku përplasja mes deputetëve të opozitës pamundësoi mbledhjen.

LEXONI GJITHASHTU:

• Përplasjet| Açka: S’mund të pranoj gjykimin e atyre që diploma u vjen era barut
• Përplasjet në Komisionin e Medias, ambasadori holandez: Skena të papranueshme