“Kam qenë konviktor gjithë jetën!” Robert Radoja flet për humbjen e bashkëshortes…

“Konviktor gjithë jetën”, kështu e quajti Robert Radoja në “Profil” jetën e tij, duke kujtuar se pasi u largua nga shtëpia ku ishte rritur nuk ishte kthyer më kurrë.

Kompozitori foli mes të tjerave për njohjen me gruan e tij, Tatjana, në shkollën e gjuhëve të huaja, por fatkeqësisht ajo u largua shpejt nga jeta duke e lënë atë të vetëm me dy djemtë.

Ai e kujtoi bashkëshorten e tij me një këngë të cilën ja kishte dedikuar asaj, duke na treguar se nuk u martua dhe ia dedikoi jetën dy djemve. Për të djali i vogël është debulesa e tij, sepse nëna e tij e la të vogël në moshën 11 vjeçare.

“Jeta personale ka qenë më shumë, konviktor gjithë jetën. Nuk u ktheva kurrë në shtëpinë ku jam rritur. Sigurisht u martova një farë kohe, kur ishte e nevojshme. Lindëm dy fëmijë e fatkeqësisht, gruaja ime e kishte shumë të shkurtër jetën. Jemi njohur në shkollën e gjuhëve të huaja në gjimnaz. E shkreta pati një fatkeqësi në moshën 40-vjeçare. Ishte me anemi. Ajo ishte nga Novosela me origjinë, fatkeqësisht nga ajo zonë ka pasur shumë viktima”,-tha kompozitori Robert Radoja për “Profil” nga Greta Topjana në Euronews Albania.

LEXONI GJITHASHTU:

• “Studioja deri në 6 të mëngjesit”,Robert Radoja tregon si lindi dashuria për pianon
• Cili është pengu i kompozitorit Robert Radoja?