Ish-gjenerali zbulon bazat e para të UÇK-së në Shqipëri

Ish-gjenerali i Ushtrisë Çlirimtare të Kosovës, Jakup Nura, ka rrëfyer në Euronews Albania përgatitjet e bëra për nisjen e luftës çlirimtare në Kosovë.

Nura vlerësoi maksimalisht rolin e Shqipërisë para dhe gjatë luftës, ku tha se pa tokën shqiptare çlirimi nuk do të ishte realizuar.

Ai zbuloi dhe dy bazat e para ku erdhën të stërviteshin ushtarët e parë nga Kosova gjatë fundit të regjimit komunist.

Nura tha se bazat e stërvitjes ishin caktuar në Surrel.

“Unë personalisht e mendoj të pamundur pa atë tokë shqiptare që të vinim këtu dhe të bënim një luftë çlirimtare në Kosovë. Unë e vlerësoj dhe është diçka e jashtëzakonshme ndihma e dhënë dhe në kohën e luftës dhe në kohën e përpara luftës. Po të them seriozisht që unë edhe nga filmat e Shqipërisë kam mësuar shumë se si duhet të përgatitet fizikisht dhe psiqikisht një njeri, për një luftë të gjatë e cila na priste ne.

Në Surrel kanë qenë dy bazat e para në Shqipëri që janë ushtruar kosovarët gjatë periudhës së Ramiz Alisë dhe në fundin e periudhës së tij. Unë personalisht nuk kam qenë pjesë e atyre grupeve pasi na erdhi shpejt e shpejt që të krijonim një grup dhe ta nisnim aty. Unë jam ndalur që të zgjedhë disa djem më të përzgjedhur, pasi te grupi i parë një pjesë nuk do të ishte përzgjedhur nëse do të kishim më shumë kohë”, tha Nura.

LEXONI GJITHASHTU:

• Mesazhet e forta të Pieter Feith: Tre pikat kryesore ku duhet të fokusohet Kosova
• “Sakrifica e Jasharjave”, përlotet Goxhaj: I lumtur për brezat e lindur në pavarësi
• Kosova, 16 vjet shtet i pavarur! Urimet e ndërkombëtarëve