Amnistia penale miratohet në Komisionin e Ligjeve, të enjten votohet në parlament

Këtë të hënë është diskutuar në Komisionin e Ligjeve çështja e amnistisë penale. Përfaqësuesit e Partisë Socialiste kanë pranuar disa nga propozimet e bëranga Partia Demokratike, ndërsa kanë propozuar që të rritej edhe me 1 vit përfitimi për burrat dhe gratë.

Pra nëse ishte propozuar nga ministria e Drejtësisë që të përfitonin ata që ishin dënuar maksimalisht me 3 vite burg për burrat e 4 për gratë, me ndryshimet e reja përfitojnë ata që janë dënuar maksimalisht me 4 vite burg për burrat dhe 5 vite burg për grate.

Do të amnistohen të gjithë burrat që u kanë mbetur dhe 4 vite nga kryerja e dënimit dhe gratë që u kanë mbetur 5 vite burg. Pra mund të jesh dënuar me 9 apo 10 vite por të kanë mbetur 4 dhe 5 vjet nga vuajtja e dënimit.

Ministria e Drejtësisë dhe socialistët pranuan dhe disa nga propozimet e Alibeajt për të aministuar protestuesit e opozitës por jo ata që kanë akuzën e shkatërrimit të pronës e kundërshtimit të policit. Alibeaj tha se duhet pranuar amendamenti i propozuar nga ai siç ishte. Megjithatë kërkoi kohë për të shqyrtuar propozimet e PS.

Për ta miratuar pr/ligjin e amnistisë duhen 84 vota të cilat mazhoranca nuk i ka.

LEXONI GJITHASHTU:

• Amnistia votohet javën e ardhshme, Manja: Qasje pozitive për propozimet e opozitës
• Amnistia për të dënuarit diskutohet në komisionin e sigurisë, përfitojnë 600 persona