Bashkimi Evropian miraton sanksione të reja që synojnë prodhimin e dronëve të Rusisë

Bashkimi Evropian ka arritur një marrëveshje për paketën e 13-të të sanksioneve ndaj Rusisë, duke synuar prodhimin e dronëve të përdorur nga Moska në fushën e betejës në Ukrainë.

Lajmet për këtë paketë të fundit vijnë në një kohë kyçe për Ukrainën e shkatërruar nga lufta, ndërsa përvjetori i dytë i pushtimit rus po afrohet dhe shqetësimet rriten për dështimet e fundit në fushën e betejës, duke përfshirë humbjen e qytetit lindor të Avdiivka.

Një diplomat i BE-së i tha CNN se pothuajse 200 individë dhe kompani do të listohen në këtë paketë të re, duke e bërë atë një nga më të mëdhatë e finalizuar nga blloku.

Sanksionet do të synojnë rrjetet e prokurimit për komponentët e dronëve “të cilët përfundojnë brenda kompleksit ushtarak rus dhe më pas në fushën e betejës në Ukrainë”, shtoi diplomati. Subjektet me bazë në vendet e treta, si dhe Rusia, do të sanksionohen.

Paketa u përshëndet nga kryediplomati i bllokut Josep Borrell, i cili tha se do ta shohë BE-në “të ndërmarrë më shumë veprime kundër entiteteve të përfshira në anashkalimin, sektorin e mbrojtjes dhe atë ushtarak”.

Avokatët e BE-së tani do të fillojnë të punojnë në tekstin e paketës, në një përpjekje për ta publikuar atë në përvjetorin e pushtimit rus më 24 shkurt, tha diplomati.

LEXONI GJITHASHTU: 

• “Navalny vdiq nga grushti ne zemër”, The Times: Si u aplikua teknika e KGB-së
• Linte pa ushqim dhe abuzonte me fëmijët e saj, nëna 42-vjeçare merr dënimin maksimal