Majorka jashtë çdo parashikimi, shkon në finalen e kupës pas 21 vitesh

Plot 21 vite pritje për të mbërritur në finalen e Kupës së Mbretit në Spanjë, por tanimë Majorka e Vedat Muriqit ia doli të shkojë në stacionin e fundit të këtij kompeticioni. Falë dy paraqitjeve tejet pozitive ndaj Sociedadit, mes shumë emocionesh dhe penalltive dramatike në Anoeta, tifozët tashmë janë të lumtur.

Majorka ia doli të eliminojë Sociedadin, me ndeshje ne dytë e cila u luajt në transfertë, e gjithcka u vendos pas ekzekutimit të 11metërshave, ku miqtë ishin më të saktë.

Përballja nisi më mirë për Sociedadin, që humbi rastin më të mirë për të gjetur avantazhin ku në minutën e 45’ Mendez shpërdoroi një 11 metërsh. Në fraksionin e dytë Gonzalez kaloi në avantazh miqtë nga Majorka, por Oyarzabal riktheu ekuilibrat, duke bërë që sfida t’i drejtohej shtesës. Edhe përgjatë 30 minutave nuk pati fitues. Nga goditjet e 11 metërshave, i vetmi që gaboi ishte Oyarzabal, në gjuajtjen e parë, e më pas të gjitha u shënuan, me ekzekutimin final nga Darder për Majorkan, duke cuar kështu në finale të tijët.

Tashmë është zbuluar ekipi i parë finalist, ndërsa do të ndeshet me fituesin e çiftit Athletic Bilbao-Atletico Madrid. Ndeshja e parë u mbyll në shifrat 0-1 për baskët, ndërsa kualifikimi vuloset në Wanda Metropolitano. Gjysmfinalja e dytë luhet mbrëmjen e 29 shkurtit në orën 21:30.

LEXONI GJITHASHTU:

• Interi, “poker” ndaj Leçe, zikaltrit 19 ndeshje pa humbje në Serinë A
• Klopp fiton një tjetër trofe, Liverpool mposht në finale Chelsea