“Ika sapo nisi lufta”, akademiku rus: Më vinte rëndë të jetoja në vendin agresor

Akademiku Rus, Alexander Rusakov i cili jeton në Shqipëri ishte këtë të mërkurë i ftuar në një intervistë për Euronews Albania ku foli për vizitën e presidentit të Ukrainës Volodymyr Zelensky në Tiranë.

Ai komentoi gjithashtu zhvillimet e fundit në rusi, ku e cilësoi vdekjen e Aleksei Navalnyt si një zhvillim “i pikëllueshëm”.

Akademiku rus tha gjithashtu se ai ishte larguar nga Rusia vetëm 10 ditë pasi kishte nisur agresionin kundër ukrainës, pasi e kishte të rëndë të jetonte në vendin që e nisi luftën, ndërsa shtoi se situata atje sa vjen e përkeqësohet.

“Kam ikur 10 ditë pas fillimit të luftës. Unë nuk kisha asnjë rrezik real, sepse nuk merresha me politikë, por për mua ishte shumë e rëndë të jetoj në vendin që ka filluar këtë luftë.

Pas kësaj situata politike e brendshme në Rusi u keqësua shumë dhe po keqësohet çdo ditë. Çështja e Navalnyt ishte hapi i fundit, ky ishte një zhvillim shumë i pikëllueshëm për të gjithë njerëzit”,-tha akademiku rus.

LEXONI GJITHASHTU:

• “Kur do ta njohë Ukraina Kosovën?”- Eksperti Shtuni tregon momentin
• “Ukraina, e pamundur që ta njohë Kosovën!” Eksperti jep arsyet…