Basha nga Lezha: Qeveria e korruptuar, po bën çmos të godasë e kontrollojë SPAK

Kryetari i Partisë Demokratike, Lulzim Basha, është shprehur se qeveria shqiptare është e zhytur në korrupsion.

Komentet Basha i bëri gjatë një takimi me mbështetës në Lezhë, ku tha se për t’i shpëtuar hetimeve, kryeministri Edi Rama po përpiqet në fshehtësi për të krijuar një komision për të mbikqyrur SPAK.

Ai tha se Rama i trembet drejtësië dhe sipas tij, kryeministri ka nxjerrë ‘gërshërët’ për t’i prerë ‘duart’ dhe ‘këmbët’ drejtësisë.

Pjesë nga fjala e Bashës:

Struktura e Posaçme Anti-Korrupsion, e cila sot po anatemohet nga të gjitha anët, por në asnjë anë më shumë sesa nga kryeministri i cili në fshehtësi bashkë me njerëzit e tij në parlament dëshiron të krijojë një komision të posatçëm për të mbikqyrur SPAK-un.

Dëshirë që i është shtuar në veçanti pas ngjarjeve të fundit, siç është intervista e ish-zëvendëskryeministrit tashmë në arrati dhe në kërkim ndërkombëtar dhe dënimi me burg të ish-drejtorit të Kundërzbulimit të FBI-së për New Yorkun, Charles Mcgonigal. Kësaj dëshire të çuditshme në fakt, i është shtuar së fundmi edhe shqetësimi i kryeministrit shqiptar për sjelljen e hetuesve të Byrosë Kombëtare të Hetimit në zyrat e shtetit.

Sigurisht per një njeri që ka rrahur gjoksin me të dyja grushtet se është autor i Reformës në Drejtësi, këto dy pohime janë shumë më problematike sesa të ulërijë në kupë të qiellit nga kupa e kokës kudër SPAK-ut apo BKH-s. Janë domëthenëse sepse tregojnë qartë se Edi Rama ka frikë nga drejtësia, i trembet drejtësisë dhe tani ka nxjerr gërshërët për të prerë këmbët dhe duart e drejtësisë.

PD është në mbështetje të institucioneve të drejtësisë, PD është në mbështetje pa kushte të SPAK-ut, sepse PD beson se ky është shansi i vetëm për t’i dhënë fund pandëshkueshmërisë dhe për të sjell barazinë para ligjit për çdo shqiptarë kudo ku ndodhet.

LEXONI GJITHASHTU:

• Basha takon Varhelyi-n: Prioritet, Reforma Zgjedhore dhe lufta kundër korrupsionit
• Amnistia/ Basha me qytetarët: Duan të shpëtojnë zyrtarët e korruptuar