Revoltohet aktivistja Sanxhaku: Gratë quhen imorale nga shoqëria jonë patriarkale

Sonte në orën 18:00 do të nisë marshimi i aktivisteve por edhe i të gjithë atyre që do duan të marshojnë për të drejtat e grave.

Si pikënisje është zgjedhur Qyteti Studenti dhe është zgjedhur pikërisht ky orar kur bie edhe errësira, duke qenë se edhe shumë rrugë në Tiranë janë të pandriçuara dhe grave iu duhet që të ecin të vetme në errësirë dhe të përballen edhe me rreziqe…

Aktivistja Deni Sanxhaku tha në emisionin GoodMorning Albanians në Euronews Albania se protesta është për të mbrojtur të drejtat e grave dhe vajzave të dhunuara dhe abuzuara dhe një thirrje kundër patriarkalizmit, që i quan gratë imorale.

“Nuk mbrohet as identiteti i grave dhe vajzave të abuzuara dhe më pas bëhet ai gjykimi i dytë që ka konotacion seksual se gratë dhe vajzat janë k… të cilave shoqëria i bën gjyqin moral pastaj. Lidhet edhe me faktin që ka një lloj romanticiteti, quhen krime pasioni ndërkohë që këto janë dhunë në familje. Shoqëria shqiptare është një shoqëri patriarkale”, tha aktivistja.

LEXONI GJITHASHTU:

• Kopshti Zoologjik i Moskës nderon gratë për 8 Mars: Hyrja falas, por vetëm nëse…
• Dy burra dhunojnë gratë në Fier, arrestohet njëri prej tyre, në kërkim tjetri