Media gjermane sulmon Vuçiç: Po përgatitet për luftë në Ballkan
Media gjermane, DerWesten ka shkruar për mundësinë e një lufte në Ballkan, duke theksuar në titullin e një artikulli të sotëm mendimin e ekspertëve se “Putini po vë bast” për këtë.
“Ushtritë e Putinit janë tërbuar në Ukrainë për më shumë se dy vjet. Në këmbim, shtetet perëndimore po ndihmojnë vendin të mbrohet kundër trupave ruse”.
Por sipas ekspertëve në Fondacionin për Mbrojtjen e Demokracive, presidenti rus po vë bast për një luftë të re në Europë në mënyrë që ta dobësojë mbështetjen perëndimore në luftën në Ukrainë. Serbia mund të jetë shkas për këtë, shkruan media
Dy ekspertë amerikanë nga “Fondacioni për Mbrojtjen e Demokracive” paralajmërojnë për një luftë të re që mund të luajë në duart e sundimtarit të Kremlinit, Vladimir Putin. Sipas vlerësimeve të tyre në Wall Street Journal, Ballkani mund ta ndihmojë atë. Sepse një front i ri mund ta dobësojë mbështetjen perëndimore në luftën në Ukrainë.
Media gjermane shkruan se një konflikt i ri do t’i jepte Kremlinit mundësinë për të fituar ndikim lokal dhe për të larguar vëmendjen nga Ukraina përmes trafikut të armëve dhe ndërmjetësimit.
Tensione të forta mes Serbisë dhe Kosovës
Ballkani Perëndimor është më i përshtatshmi për këtë. Lufta në Jugosllavi në vitet 1990 shkaktoi tensione masive, sidomos nga Serbia, e cila dëshiron ta zgjerojë ndikimin e saj në vendet fqinje.
Së fundmi presidenti serb Aleksandër Vuçiç ka kërcënuar hapur se do ta sulmojë Kosovën. Përveç kësaj, ai vazhdimisht refuzon ta nënshkruajë Marrëveshjen e Brukselit për “veprim dypalësh” ndërmjet Serbisë dhe Kosovës, e cila aktualisht ndërmjetësohet nga BE-ja dhe synon të sigurojë marrëdhënie paqësore.
Shtetet e Bashkuara presin gjithashtu një rrezik më të lartë të dhunës në rajon, paralajmërojnë ekspertët. Kjo do të kishte avantazhe të mëdha për Putinin. Prandaj, Rusia nuk ka nevojë të dërgojë ushtri në rajon. Thjesht duhet të mbështetet te Serbia për ta nxitur dhunën dhe destabilitetin.
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës
- 13:28 Bordi i Transparencës publikon çmimet e reja të karburanteve, sa do shitet nafta dhe benzina
- 13:22 Presidenti finlandez propozon një BE me 40 anëtarë, përfshirë Kanadanë
- 13:09 Kosta me Vuçiç: Dialogu Kosovë-Serbi dhe marrëveshja e Ohrit, jetike për sigurinë e rajonit
- 12:55 Shpërthim tritoli në derën e një dyqani në Laç, panik te qytetarët
- 12:48 “Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë