Manjani komenton raportin e SPAK: Nuk janë bërë për “ish-a”, por për ata në zyra

Juristi Ylli Manjani ishte këtë të enjte e ftuar në “Now me Erla Mëhillin” në Euronews Albania ku ka komentuar deklaratat e Altin Dumanit, i cili bëri sot raportin vjetor të punës së kryer nga SPAK për vitin 2023.

Manjani tha se kjo është një kohë ndëshkimesh, por sipas tij, SPAK po merret vetëm me ish-zyrtarë, ndërkohë që është krijuar për t’u marrë me njerëzit që janë në pushtet.

“Është kohë ndëshkimesh. Në Shqipëri duhet të japim një masë të madhe ndëshkimesh dhe njerëzit janë statistika, po ta vini re thuhet janë dënuar aq e kaq. Për çudi janë të gjithë ish-a, por ai SPAK-u është bërë për ata që janë, jo për ish-a.

Është për të shkuar në zyrë e për ti zënë “me presh në duar” zyrtarët. Jemi në kohë ndëshkimesh dhe me prova, pa prova, me ligj, pa ligj, urdhri është dhënë për ndëshkime. Ky nuk është shtet, nuk është drejtësi, është turr drush. gjithë këto arrestime dhe korrusioni thellohet”,-tha Manjani.

LEXONI GJITHASHTU:

• Arian Çani: Altin Dumani ka dosje të tmerrshme, ja çfarë pritet të ndodhë
• ‘Amnistia’ Alibeaj: Ja ku qëndron djalli, përfitojnë drejtorët e dënuar nga GJKKO