E rëndë në Durrës| E kap makineria, ndërron jetë punëtori te Fabrika e Tullave

Një ngjarje e rëndë raportohet të ketë ndodhur në Maminas të Durrësit, ku një punonjës 40-vjeçar ka ndërruar jetë te Fabrika e Tullave.

Sipas burimeve nga gazetarja e Euronews Albania, Kloida Gjuzi, ngjarja ka ndodhur pasi punonjësin e ka kapur makineria.

Policia bën të ditur se lidhur me ngjarjen, është proceduar penalisht një 59-vjeçar, banues në Vorë, me detyrë përgjegjës turni në fabrikë.

Njoftimi i Policisë:

Durrës-Specialistë për Hetimin e Krimeve të Komisariatit të Policisë Shijak referuan materialet në Prokurori ku nisi procedimi penal për shtetasin E. S., 59 vjeç, banues në Vorë, me detyrë përgjegjës turni në një fabrikë tullash, në Maminas, pasi më datë 11.04.2024, rreth orës 23:40, gjatë punës në këtë fabrikë është dëmtuar shtetasi S. B., 40 vjeç, banues në Vorë, i cili për pasojë ka humbur jetën. Vijon puna për dokumentimin e rrethanave të këtij rasti.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën “Shkelja e rregullave të mbrojtjes në punë”.

LEXONI GJITHASHTU:

• Aksion në Kadastrën e Durrësit, Prokuroria lëshon 2 urdhër arreste
• Sezoni turistik në Durrës, operatorët: Sezon i suksesshëm me problematika të vjetra