Kopjoi të dhënat e sistemit TIMS, Dervishi: Muça s’kishte çertefikatë sigurie

Akuzohet për kopjimin e të dhënave të TIMS, Dervishi: Muça s’kishte çertefikatë sigurie
Drejtori i IT-së në Policinë e Shtetit, Ervin Muça u pezullua nga detyra dhe u vu në masën e sigurisë ‘arrest shtëpie’ pasi akuzohet për kopjimin pa autorizim të të dhënave të sisitemit TIMS, të Policisë së Shtetit, një ngjarje mbi të cilat pak ditë më parë është ngritur edhe një komision hetimor parlamentar.

Gazetari Ferdinand Dervishi, i ftuar në emisionin “Review” në Euronews Albania, është shprehur se Muça ishte në detyrë pa çertefikatë sigurie.

Sipas tij, pa këtë dokument ai nuk duhej të punonte.

“Kur ka kthyer përgjigjen për Ervin Muçën ka thënë se as nuk ka aplikuar. Deri në momentin e arrestimit, Muça kurrë nuk u pajis me një çertefikatë sigurie. Ai është emëruar në qershor të vitit 2023 dhe i bie ta zëmë që nuk lejohet të punojë pa çertefikatë sigurie. Ai ka afatin për tre muaj për t’u pajisur dhe një muaj nëse e kërkon vetë ky AKSIK. I bie që në tetor, në mesin e tetorit 2023 ishte afati i fundit për pajisjen e tij me certefikatë sigurie”-tha Dervishi.

LEXONI GJITHASHTU:

• SHBA dhe Izraeli diskutojnë “kërcënimet urgjente rajonale”
• Fermeri në Divjakë që kultivon avokado e papaja: Jam i kënaqur me prodhimet ekzotike