Atalanta përmbys Fiorentinën në Kupë, në finale kundër Juventusit

Atalanta i është bashkuar Juventusit në finalen e kupës së Italisë, ndërsa ia doli të mposhtë Fiorentinën në ndeshjen e kthimit. Pavarësisht se skuadra violë vinte me avantazhin e 1 goli, pas asaj fitoreje në shtëpi, në Bergamo e pati të vështirë, duke pësuar plot 4 herë.

Përballja u zhbllokua shpejt, ku në minutën e 8-të Koopmeiners kaloi në avantazh bergamaskët. Në vijim ishte Scamacca ai i cili dyfishoi shifrat me një gjuajtje nga distance, por goli u anullua, pasi fillimisht ishte shkaktuar faull. Në nisje të fraksionit të dytë, Fiorentina mbeti me 10 lojtarë, por pavarësisht këtij fakti gjeti golin me Martinez Quarta. Protagonist do të ishte sërish Scamacca që realizoi një supergol këtë herë gjithcka ishte e rregullt dhe 2-1. Në limite Lookman e pas tij Pasalic dërguan shifrat në 4-1, për ti dhënë fund çështjes kualifikim.

Finalja luhet më 15 maj në orën 18 në Bergamo, teksa kujtojmë që Atalanta ka që prej 1963 që nuk e fiton kupën, ndërsa në anën tjetër bardhezinjtë kanë fituar më shumë se kushdo, plot 14 trofe.

LEXONI GJITHASHTU:

• Interi shpallet kampion i Italisë, gdhend yllin e dytë në fanellë
• Reali mposht Barcelonën 3-2, Xavi akuza ndaj arbitrit pas sfidës
• “Ethet” e Premier League 5 javë para fundit, Arsenal rikthehet në krye