Zgjedhjet Parlamentare e Presidenciale, mbyllet procesi i votimit në RMV

Është mbyllur procesi i votimit në Maqedoninë e Veriut, ku po mbahen zgjedhjet Parlamentare dhe raundi i dytë i zgjedhjeve Presidenciale.

Gazetari i Euronews Albania, Thimi Samarxhi, ka dhënë detaje nga procesi zgjedhor atje, ku tha se menjëherë pas mbylljes së votimit, nis numërimi i votave, pasi kutitë e votimit nuk zhvendosen njësoj siç veprohet në Shqipëri.

Ai tha gjithashtu se rreth orës 22:00 do të dalin edhe rezultatet e para të votimeve, ku pritshmëritë janë që VMRO të dalë parti e parë, por që do të jenë koalicionet më pas ato që do të vendosin.

Ndërkohë mësohet se pjesëmarrja deri në orën 18:30 ka qenë për zgjedhjet Presidenciale 46.31 % dhe për ato Parlamentare 53.32 %.

“Këtu u mbyll zyrtarisht votimi, kjo ishte qendra e fundit. Mbyllet dhe dera dhe nis më pas procesi i numërimit. Ka nisur procesi i numërimit të fletëve të votimit.

Fillimisht do të shihen materialet zgjedhore, pastaj do të numërohen fletër e votimit për president, por edhe për Parlamentin. Përditësimi pritet të jetë pas pak minutave për të parë përqindjen e pjesëmarrjes në votim.

Procesi i numërimit është shumë më i thjeshtë se ai që ne kemi në Shqipëri. Projeksionet e para pritet të jenë rreth orës 20:30 dhe pas orës 22:00 pritet të kemi edhe rezultatet e zgjedhjeve. Shifrat janë 39,3 % me 43,8 %, por më pas do të ketë edhe përditësim. Pritet që VMRO-DPMNE të dalë partia më e madhe sipas projeksioneve”, tha Samarxhiu.

LEXONI GJITHASHTU:

• Maqedoni e Veriut| VMRO paralajmëron qeveri të re me opozitën shqiptare
• Sa deputetët marrin shqiptarët në Maqedoni të Veriut? E zbulon eksperti