“Me grekët zemërgjerë ndamë bukën e kripën”,mesazhi i ministres Spiropali nga Athina

Ministrja për Marrëdhëniet me Parlamentin, Elisa Spiropali në fjalën e saj të mbajtur gjatë takimit të zhvilluar me shqiptarët në Athinë.

Ajo tha se shpesh historia dhe gjeografia janë bërë barrikada të politikës kundër popujve, por prap shqiptarët dhe grekët ndajnë gotën e rakisë dhe të uzos së bashku.

“Sa herë vë këmbën në Greqi më vjen në mendje kur perdja e hekurt e komunizmit ra. Papritur kuptuam se ishim të varfër dhe të pa ngrenë, ishim të vetëm në një botë të madhe.

Atëherë Greqia, fqinji ynë shekullor u shfaq pas asaj perde që ruhej si toka e parë. Krah grekësh fisnik e zemërgjerë ndanë me ne bukë e kripë. Fërkime dhe keqkuptime, mëri të vjetra në kufirin dikur të heshtur mes dy vendeve nisën të riluajnë si në një pllakë gramafoni kërcitje të forta.

Sot ajo pllakë gramafoni vazhdon të rrotullohet, por kërcitjet e gjilpërës se gramafonit nuk i kalojnë dot korridoret e politikës së ditës.

Shqiptarët që kanë krijuar jetën këtu ndajnë bashkë gotën e rakisë dhe të uzos. Sa shumë ka ndryshuar koha e shqiptarëve dhe Shqipërisë. Ju e keni bërë Shqipërinë më të madhe dhe më të fortë”,tha Spiropali.

LEXONI GJITHASHTU:

• Rama shqiptarëve në Athinë: Greqia ka nevojë për ju, ashtu siç ju keni nevojë për të
• Rama mesazh Mitsotakis: Eshtë koha e mirëqënies dhe lirisë, të jetojmë në harmoni