Lajçak optimist: Këtë javë mund të arrihet marrëveshje për dinarin

I dërguari i Bashkimit Evropian për dialogun Kosovë-Serbi, Miroslav Lajçak është shprehur optimist se në takimin që do të mbahet gjatë kësaj jave me kryenegociatorët Besnik Bislimit dhe Petar Petkoviç në Bruksel do të arrihet një marrëveshje.

Sipas tij në këtë takim synohet gjetja e një zgjidhjeje të përkohshme për ata që preken nga rregullorja e BQK-së për operacionet me para të gatshme.

“Jam i sigurt se një marrëveshje mund të arrihet, por do të kërkojë fleksibilitet dhe kompromis nga të dyja palët”, ka shkruar emisari Miroslav Lajçak.

Të mërkurën Bashkimi Evropian ka ftuar në takim Kosovën dhe Serbinë.

Zëdhënësi i BE-së, Peter Stano, në një konferencë për media tha se vazhdimi i bisedimeve do të jetë për gjetjen e zgjidhjes së përkohshme në lidhje me vendimin e Bankës Qendrore të Kosovës për dinarin.

LEXONI GJITHASHTU:

• Nis në Bruksel takimi Kosovë-BE-Serbi për dinarin
• Përfaqësuesi i Kinës në OKB krah Serbisë: Kosova të tërheqë vendimin për dinarin