Berisha zbulon 2 taksat që do të hiqen të parat nëse PD vjen në pushtet

Ish-kryeministri Sali Berisha është shprehur se taksa ndaj profesioneve të lira do të hiqet e para, bashkë me taksën e Rrugës së Kombit, kur PD të vijë në pushtet.

Komentet Berisha i bëri gjatë fjalës para mbështetësve, nga dritarja e banesës së tij, ku po vuan dënimin me ‘arrest shtëpie’ për korrupsion.

Berisha tha se këto taksa që ka vendosur kryeministri Edi Rama janë anti-kombëtare dhe rrënojnë qytetarët shqiptarë.

Pjesë nga fjala e Berishës:

Profesionet e lira ofrojnë universin e shërbimeve ndaj qytetarëve.

Mungesa e këtyre shërbimeve është nxitje direkte e fuqishme për të braktisur vendin.

Është nxitje e shqiptarëve për t’u larguar masivisht nga Shqipëria siç po largohen.

Është një akt i tmerrshëm për një shoqëri.

Taksa që vendosi Edi Rama është një taksë antikombëtare ndaj tyre.

Taksa që vendosi Edi Rama është një rrënim i shërbimeve për qytetarët.

PD, duke shprehur vlerësimin më të madh për ta, i garanton se në një akt të parë të fitores së PD, ajo taksë do hiqet e para, bashkë me taksën e Rrugës së Kombit.

LEXONI GJITHASHTU:

• Apeli lë në fuqi vendimin për masat e sigurisë ndaj Berishës dhe Malltezit
• Deklarata e Abazaviç për Serbinë, Berishaj: Shqiptar me prejardhje, jo me qëndrime