“Sikur luani me Azebajxhanin”, futbollisti “shpërthen” pas golit të Spanjës

Futbollisti Kadri Birja tha se pavarësisht se tashmë kemi pësuar një gol nga Spanja, nuk duhet ta bëjmë tragjike, pasi po luajmë me një skuadër të fuqishme e jo me Azerbajxhanin.

I ftuar në “Now me Erla Mëhillin” për të komentuar përballjen Shqipëri- Spanjë, Birja tha se gjithsesi është e pafalshme që të pësojmë gola të tillë si ai i shënuar nga Fernando Torres në minutën e 13 të lojës, për shkak të vendosjes në fushë.

“Nëse gabon Mitaj duhet të vijë një lojtar tjetër, asnjë nga dy mesfushorët nuk zbriti poshtë për të mbrojtur qendrën. Nëse gabon një duhet ta zëvendësojë tjetri. Pastaj ky është një rezultat i pritshëm për ne, se po bëjmë sikur është tragjedi sikur na ka bërë gol Azerbajxhani, na ka bërë gol Spanja. Por të pësojmë këto gola për vendosje në fushë ky është gabim i madh se ne e dimë shumë mirë se me kë po luajmë”,-tha Kadri Birja.

LEXONI GJITHASHTU:

• “Sikur luani me Azebajxhanin”, futbollisti “shpërthen” pas golit të Spanjës
• Silvinjo ndëshkon Hysajn dhe Brojën/ Publikohet formacioni përballë Spanjës