30% e shqiptarëve panë shfaqje, INSTAT: Në muze 1 mln vizitorë, shumica të huaj

Vetëm 30 përqind e popullsisë shqiptare mbi 16 vjeç ka mundur të marrë pjesë në aktivitetet kulturore me pagesë.

Sipas të dhënave të fundit të INSTAT kjo shifër është 1.6 për qind më e lartë nga viti 2022. Në total u dhanë 1.175 shfaqje dhe premiera përgjatë vitit 2023 dhe morën pjesë 153.041 spektatorë.

Më shumë pjesëmarrës ka pasur në muzetë e trashëgimisë materiale me 1 milonë vizitorë ku 58,7 % e të cilëve ishin të huaj.

Parku i Butrintit mban vendin e parë e më pas  kalaja e Gjirokastrës, Apolonia,  Muzeu Gjergj Kastrioti  dhe Parku Arkeologjik Shkodër

Në vitin akademik 2023- 2024, në fushat e studimit të lidhura me kulturën janë regjistruar 16.715 studentë, të cilët përbëjnë 14,3% të totalit.

Sipas INSTAT ka një rënie të tyre me rreth 2 mijë krahasuar me dy vite më parë. Fushat e studimit më të preferuara nga studentët janë “Arkitekturë dhe Ndërtim” dhe “Gjuhët”, përkatësisht me 35,7% dhe 22,7%.

Në fushat e studimit të lidhura me kulturën, femrat përbëjnë shumicën e studentëve me 57,8%. Përqindja e femrave është më e lartë në fushat “Gjuhë” (83,8%), “Gazetari dhe informim” (79,9%) dhe “Shkenca humane” (74,7%) dhe më e ulët në fushën “Sporte”, ku femrat përbëjnë 24,8% të studentëve në këtë fushë.

LEXONI GJITHASHTU:

• Rënia e lindjeve alarmante/ INSTAT: Në vitin 2023 lindën 27,281 foshnja
• 1.3 mld euro shitje pronash, INSTAT: Në 2023 u arrit niveli më i lartë historik