Ndeshjet e fundit të 1/8, Holanda përballet me Rumaninë, Austria me Turqinë

Në të shkuarën nuk ka qenë problem fitorja ndaj Rumanisë, por llogaritë në 1/8 e Euro 2024 bëhen ndryshe, me Holandën e cila synon fazën çerekfinale.

Pasditen e kësaj të marte 2 skuadrat përballen me njëra-tjetrën në Allianz Arena, ndërsa gjykimi i është besuar Feliks Zwayer. Përballjet e mëparshme kanë parë si fitues tulipanët, ndërsa dueli i fundit mes tyre daton ën 2017, në një miqësore të fituar 3-0 nga holandezët. NË 2008-ën ekipet u përballën në kampionatin evropian, aty ku trajneri Van Basten fitonte 2-0 me golat e Huntelaar dhe Van Persie.

Edhe këtë të martë favorite është Holanda, e cila vjen pasi u mposht nga Austria, ndërsa Rumania barazoi 1-1 me Sllovakinë. Në mbrëmje luhet dhe përballja tjetër, ajo mes Austrisë dhe Turqisë, e cila është një fotokopje e asaj të pak muajve më parë, e fituar nga austriakët në shifrat 6-1.

Austria ka 9 fitore në të gjitha kompeticionet ndaj turqve, me këta të fundit me 7 triumfe e 1 sfidë e mbyllur në barazim.

Në këtë edicion të kampionatit evropian të dyja kanë treguar formë fantastike, Turqia që mposhti së fundmi Çekinë, ndërsa Austria Holandën.

LEXONI GJITHASHTU:

• UEFA| Mini-turnetë e Kampionatit Europian U-17 dhe U-19 të zhvillohen në Shqipëri
• Euro 2024| Franca mposht Belgjikën me rezultatin 1-0, “gjelat” në çerekfinale