“Mungon besimi”,Armakolas: S’ka përmirësim në nivel politik mes Greqisë e Shqipërisë

Profesori grek Ioannis Armakolas, ishte këtë të mërkurë i ftuar në “Now me Erla Mëhillin” ku tha se tashmë situata sociale për shqiptarët në Greqi është përmirësuar ndjeshëm, por e njëjta gjë nuk mund të thuhet për situatën politike.

Sipas një sondazhi 70% e grekëve mendojnë se qeveria shqiptare nuk i respekton të dretjat e minoriteteve në Shqipëri , 38.5% kanë përshtypje negative për Shqipërinë, kjo sipas profesorit Armakolas vjen si mungesë e besimit mes qeverive të dy vendeve.

“Nuk do thoja mapulim. Unë do thoja se aty ku qytetarët kanë eksperienca të drejtpërdrejtë ata e bëjnë vetë dallimin. Kur i shohin gjërat përmes medias, aty problemet e politikës theksohen më shumë e marrin më shumë vëmendjen e njerëzve.

Të jem i sinqert në nivel politik gjërat nuk janë përmirësuar dhe aq shumë. Për dy vende që janë anëtare të NATO-s, vende fqinje që kanë marrëdhënie sociale dhe ekonomike, që kanë lidhje të të gjitha llojeve, nuk mendoj se marrëdhëniet në politikë janë përmirësuar shumë. Ka një mungesë të madhe besimi mes dy vendeve, qeveria shqiptare nuk i beson qeverisë greke dhe qeveria greke nuk i beson qeverisë shqiptare. Kjo reflektohet edhe në sondazhe”,-tha profesori.