Heqja e vizave për serbët në Veri| Berisha: Sulm ndaj Kosovës, BE mbështet Serbinë

Gazetari Rid Berisha e ka quajtur sulm ndaj Kosovës heqjen e vizave për serbët në Veri që posedojnë pasaporta serbe, të lëshuara nga Drejtoria Koordinuese e Serbisë.

Komentet Berisha i bëri në një lidhje për Euronews Albania, ku tha se njohja nga BE e pasaportave të lëshuara nga strukturat ilegale serbe në Kosovë, vë në dyshim nëse Prishtina duhet t’i besojë më Unionit.

Ai tha gjithashtu se ky vendim është gjithashtu edhe një sulm direkt mbi Bashkimin Europian dhe marrëveshjen e Stabilizim Asocimit të nënshkruar nga Kosova në vitin 2-15.

“Ka qenë lajm i papritur, për sa kohë që po ndodh një proces i zorshëm, thuajse i bllokuar i bisedimeve. Megjithë këto vështirësi të sotme, ky lajm nga Brukseli se BE njeh pasaportat e serbëve të lëshuara nga strukturat ilegale në Kosovë, është një sulm mbi 17 shkurtin 2008 dhe mbi marrëveshjen e Stabilizim Asocimit që ka nënshkruar Kosova në vitin 2015.

Është instrumenti i parë kontraktual që BE si entitet juridik lidh me cilindo vend që synon afirmimin e marrëdhëneve, kryesisht të tregut ekonomik, etj. Ky është një sulm direkt edhe mbi vete BE. Me këtë rast më duhet të shpreh një dëshmi nëse a duhet t’i besojmë më shumë Brukselit apo jo.

Në cilëndo pikëpamje, të moderimit të dialogut, në një traktat paqeje mes Kosovës e Serbisë, etj. Ekziston një version spekulaktiv që po qarkullon i paverifikuar se kjo mund të jetë një revansh ndaj Kurtit që bllokoi procesin e draft statutit duke mos e dërguar në Kushtetuese…”, tha Berisha.

LEXONI GJITHASHTU:

• Tajlanda heq vizat për shtetasit e Kosovës
• Vizat, Albin Kurti kritika BE: E padrejtë dhe dekaurajuese për integrimin e serbëve