Ruajtja e trashëgimisë kulturore, nënshkruhet memorandum mes Shqipërisë e Kosovës

Instituti Kombëtar i Trashëgimisë Kulturore ka nënshkruar një Memorandum Bashkëpunimi me Agjencinë për Menaxhimin e Monumenteve dhe Komplekseve Memoriale të Kosovës.

Nënshkrimi i këtij memorandumi synon përmirësimin dhe thellimin e bashkëpunimit në fushën e restaurimit dhe konservimit të objekteve të trashëgimisë kulturore, në mënyrë të veçantë objekteve të cilat kanë shërbyer gjatë luftës së fundit në Kosovë.

Gjithashtu me anë të kërij nënshkrimi synohet dhe restaurimi dhe promovimi  këtyre objekteve.

Instituti Kombëtar i Trashëgimisë Kulturore dhuroi për arkivin e Kosovës revistat “Monumentet” dhe “Arkeologjia”, me qëllim pasurimin e bibliotekës dhe shkëmbimin e përvojës për rritjen e kapaciteteve në fushën e restaurimeve.

LEXONI GJITHASHTU:

• Debati për Censin në Pustec, ministri i Kulturës në RMV: Problem diplomatik, por…
• Java e Kulturës Greke në Gjirokastër, qyteti i gurtë nën tingujt e muzikës korale