Ofertë e çmendur nga Arabia për Vinicius, Perez refuzon gjysmë mld euro: Dyfishojeni

Performanca e jashtëzakonshme sezonin e shkuar bërn që Vini Jr të jetë ndër lojtarët më të kërkuar në botën e futbollit, por duke njohur Perez, ekipet europiane janë zmbrapsur, ndërsa interesi vijon në botën arabe. Nga 400 milionë euro që ishte oferta e pak ditëve më parë në drejtim të Los Blancos, duket se klubi, emri i të cilit nuk është publikuar, por që merr pjesë në Saudi Pro League, ka bërë ofertën e dytë, plot 500 mln euro për kartonin e tij. Vetë 24-vjeçari do të përfitonte 200 milionë euro në sezon, por duket se paratë nuk janë në plan të parë.

Presidenti Fiorentino Perez ka bërë të qartë se çdo klub që dëshiron shërbimet e Vini Jr, do të duhet të paguajë 1 mld euro klauzolë, shifër e cila me gjasa nuk përballohet nga askush. Fondi i investimeve publike që zotëron 4 ekipe të Arabisë Saudite e ka konfirmuar më parë se paratë nuk janë problem, por këmbëngulja e Realit bën që Vini të mbetet te galaktikët.

Menaxherët e futbollistit kanë pohuar se lojtari nuk do të rinovojë në 2027-ën menjëherë, pasi fillimisht kërkon kohën e nevojshme për të shqyrtuar ofertat që do të vijnë.

LEXONI GJITHASHTU:

• Reali ‘ngec’ në Majorka, Mbape bllokohet në debutimin e La Liga
• Reali, rekord të ardhurash. Madrilenët gjeneruan mbi 1 mld € në sezonin e shkuar