Vulin do të takohet me Putinin këtë javë, thotë ndihmësi i presidentit rus
Zëvendëskryeministri i Serbisë, Aleksandër Vulin, do të takohet me presidentin e Rusisë, Vladimir Putin, më 4 shtator në Vladivostok të Rusisë, njoftoi ndihmësi i presidentit rus, Yuri Ushakov.
Agjencia shtetërore e lajmeve Beta e citoi Ushakovin të ketë thënë se Vulini dhe Putini do të takohen në margjinat e Forumit Ekonomik Lindor (EEF).
Ky forum do të mbahet nga 3 deri më 6 shtator në kampusin e Universitetit Federal të Lindjes së Largët të Rusisë në Vladivostok.
Vulin u takua me Yuri Ushakov, këshilltarin e presidentit Putin për punë të jashtme, para tri javëve gjatë një vizite zyrtare në Moskë.
Qeveria serbe kishte njoftuar asokohe se Vulini kishte nënvizuar se Serbia është i vetmi vend në Evropë që nuk ka vendosur sanksione ndaj Rusisë dhe se marrëdhëniet mes dy vendeve nuk kanë qenë kurrë më të sinqerta dhe më kuptimplota.
Më herët në qershor, Vulin u takua në Moskë me ministrin e Punëve të Brendshme të Rusisë, Vladimir Kolokoltsev, sekretarin e Këshillit të Sigurisë Ruse, Sergei Shoigu, dhe me zëvendësministrin e Punëve të Jashtme të Rusisë, Alexander Grushka.
Ajo ishte vizita e parë zyrtare e Vulinit në Rusi prej se u zgjodh në postin e zëvendëskryeministrit të Serbisë.
Vulin – ish-drejtor i Agjencisë së Sigurisë dhe Informacionit (BIA) – është nën sanksione nga Shtetet e Bashkuara, ndër të tjera, për shkak të lidhjeve të tij me Rusinë. Prej se Moska e nisi pushtimin e paprovokuar të Ukrainës mbi dy vjet më parë, Vulin e ka vizituar Rusinë disa herë.
LEXONI GJITHASHTU:
- Vulin thotë se ka bërë listat e atyre që s’janë të mirëpritur në Serbi
- Vulin vizitë në Moskë: Serbët dhe rusët çliruan botën
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës
- 13:28 Bordi i Transparencës publikon çmimet e reja të karburanteve, sa do shitet nafta dhe benzina
- 13:22 Presidenti finlandez propozon një BE me 40 anëtarë, përfshirë Kanadanë
- 13:09 Kosta me Vuçiç: Dialogu Kosovë-Serbi dhe marrëveshja e Ohrit, jetike për sigurinë e rajonit
- 12:55 Shpërthim tritoli në derën e një dyqani në Laç, panik te qytetarët
- 12:48 “Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë