Zjarri masiv në fabrikën e plastikës në Elbasan, reagon policia: Çfarë dyshohet

Një zjarr i përmasave të mëdha ka përfshirë ambientet e fabrikës së plastikës në ish-Kombinatin Metalurgjik.

Policia e Elbasanit përmes një komunikate për mediat bën me dije se zjarri ka përfshirë ambientet e fabrikës së plastikës.

Sipas policisë, nuk ka pasur persona të lënduar, por vetëm dëme materiale. Zjarrfikëset ndodhen në venengjarje dhe po punojnë për neutralizimin e flakëve masive, ndërkohë që sipas uniformave blu zjarri është shkaktuar si pasojë e një shkëndije elektrike.

“Rreth orës 15:00, në ish-kombinatin metalurgjik, në një fabrikë plastike, ka rënë zjarr, dyshohet prej një shkëndije elektrike.

Në vendngjarje ndodhen shërbimet e Policisë dhe të zjarrfikëses, të cilat po punojnë për shuarjen e flakëve, nga të cilat janë shkaktuar vetëm dëme materiale.

Grupi hetimor po punon për përcaktimin e shkaqeve të rënies së zjarrit”, thuhet në njoftimin e policisë.

LEXONI GJITHASHTU:

• Zjarri i përmasave të mëdha përfshin ambientet e kompanisë Kurum në Elbasan
• Gjenden predha luftarake pranë Kurum, nisin hetimet për origjinën e tyre
• Kurum përplaset me Ministrinë e Turizmit për 800 ton mbetjet e rrezikshme