“Nuk ka lind njeri që të gjej korrupsion tek unë”, Berisha mbrohet në SPAK

Kryetari i Partisë Demokratike Sali Berisha është pritur me brohorima nga qytetarët të cilët po protestojnë për lirimin e tij para ambienteve të SPAK, ku pritet të komunikohet akuza ndaj tij.

Berisha ka mohuar akuzat e ngritura ndaj tij lidhur me korrupsionin. Ai tha se nuk ka lindur asnjë njeri që të mund të tregojë me prova e fakte se ai ka kryer korrupsion, pasi siç u shpreh ai është njeri i lirë nga këto afera.

“Në Shqipëri dhe në gjithë botën nuk ka lindur as dje as sot ai kështu apo ashtu, që mund të gjejë qoftë një dokument, provë apo fakt të vetëm të korrupsionit të Sali Berishës. Jam njeri i lirë”,-tha kreu i Partisë Demokratike.

Kujtojmë se kjo është hera e dytë që ish-kryeministri paraqitet në SPAK dhe është gjithashtu hera e dytë që ai largohet nga banesa e tij  në rrugën “Mustafa Matohiti” ku vuan dënimin “arrest në shtëpi” që prej 30 dhjetorit 2023. Këtë të mërkurë pritet ti komunikohet akuza ndaj tij.

LEXONI GJITHASHTU:

• VIDEO| Berisha pritet me brohorima në SPAK, protestuesit tentojnë të çajnë kordonin
• Berisha mohon akuzat e SPAK, sulmon Ramën: Nuk do ta marrë mandatin e katërt