Merr zyrtarisht detyrën kreu i ri i KFOR, Enrico Barduani

Gjeneralmajori i ushtrisë italiane, Enrico Barduani, ka marrë edhe zyrtarisht detyrën e shefit të misionit të NATO-s në Kosovë, KFOR.

Barduani është përshkruar si njohës i mirë i rajonit të Ballkanit.

Këtë detyrë për një vit e ka pasur gjeneralmajor i ushtrisë turke, Ozkan Ulutash.

Ulutash e ka përmendur që KFOR-i përkrah plotësisht dialogun mes Kosovës dhe Serbisë, si platformën e vetme për zgjidhje të të gjitha mospajtimeve mes dy palëve.

Ai është nderuar me medalje për përkushtimin e tij në këtë, dhe misionet tjera të NATO-s.

Krerët më të lartë të shtetit kanë marrë pjesë në këtë ceremoni, përfshirë presidenten e Kosovës, Vjosa Osmani dhe kryeministrin, Albin Kurti.

Aktualisht KFOR-i ka mbi 4.400 trupa ushtarake në Kosovë.

NATO-ja e ka shtuar praninë e saj në Kosovë gjatë vitit 2023, pas rritjes së tensioneve në veriun e banuar me shumicë serbe.

LEXONI GJITHASHTU:

• Kush pritet të jetë drejtuesi i ri i KFOR në Kosovë
• KFOR dhe Ushtria e Serbisë me patrullim të përbashkët në kufirin Kosovë-Serbi