Vasili i bashkohet protestës, flet për arrestimin e Ilir Metës

Petrit Vasili ishte i pranishëm këtë të martë në protestën e opozitës, ku së bashku me deputetë dhe anëtarë të Partisë së Lirisë u vendosën në autostradën tiranë- Durrës, afër vendit ku u arrestua kreu i tyre, ish-presidenti Ilir Meta.

Ndër të tjera ai ka folur edhe për arrestimin e ish-Presidentit.

“Për mua ka qenë një lajm shokues. Një veprim i cili nuk duhet të kishte guximin dhe kurajën që simbolizonte të vetmin njeri që ka qenë pikë referimi kushtetues dhe patriotik. Sepse sot nëse ende nuk kanë guxuar të vënë firmën e fundit për detin, ishte se e ndaloi Ilir Meta.

Ai ishte një atentat ndaj një burri që zbaton ligjin. Mesazhi që dhanë këta është se horrat duhet të jenë të qetë dhe ata që zbatojnë ligjin duhet të jenë të shqetësuar”,-tha Vasili.

LEXONI GJITHASHTU:

• “Lironi rrugën”- Digjen goma në mbikalimin e Shkozetit, Paloka i përgjigjet policisë
• “Ka vajtur ku s’mba më” – Opozita bllokon rrethrrotullimin e Levanit