Monitorimi i medias/ AMA memorandum bashkëpunimi me Portugalinë

Autoriteti shqiptar i Mediave Audiovizive dhe Autoritetit Rregullator Portugez për Median, ERC kanë nënshkruar një memorandum me qëlllim krijimin e një kuadri ligjor për rritjen e bashkëpunimit në fushat e interesit dhe ndihmës së përbashkët, ndërmjet rregullatorëve të dy vendeve. Memorandum është nënshkruar në Romë, gjatë një takimi të zhvilluar mes palëve,  pas mbledhjes së 22-të Plenare të Grupit Rregullator Europian të Mediave Audiovizive.

“Është një memorandum shumë i rëndësishëm për të ardhmen e institucionit tonë dhe shpresojmë të bashkëpunojmë në fusha si monitorimi sasior dhe cilësor i medias, në edukimin mediatik, teknologjisë e në fusha të tjera. Do shkëmbejmë sa më shumë informacione me njëri-tjetrin lidhur me të gjitha sfidat që rregullatorët tanë kanë”, tha kryetarja e AMA, Armela Krasniqi.

Ndërsa Helena Sousa nga Autoritetit Rregullator Portugez për Medianu shpreh se: Jam e sigurt që do vazhdojmë të bashkëpunojmë në një mënyrë më të thellë, më kërkuese dhe më emocionuese.

Ky memorandum bazohet në tre shtylla, Edukimin mediatik, Metodologjinë e monitorimit të përmbajtjes audiovizive dhe Programe të shkëmbimit të ekspertëve. Palët janë angazhuar që sa i takon monitorimit të përmbajtjes së transmetuar, të dy autoritetet do të shkëmbejnë informacionin mbi teknologjinë e softuerit të përdorur për përmbajtjen audiovizive, duke përfshirë platformat digjitale, transmetimin online dhe teknologjitë e tjera innovative dhe do të zhvillohen metoda të përbashkëta për monitorimin e përmbajtjes të transmetuar, duke përfshirë analiza të përmbajtjes, vlerësime të pavarura të përmbajtjes dhe auditime periodike, për të siguruar përputhshmërinë me standardet e autoriteteve si dhe do të shkëmbehen njohuri dhe përvoja lidhur me pajisjet e avancuara për monitorimin e përmbajtjes të transmetuar.

LEXONI GJITHASHTU:

• Ekstremistët në Portugali protestojnë kundër emigrantëve: Të dëbohet kush bën krime
• Shqipëria pjesë e SEPA, Rama: Nga 1 Janari asnjë kosto për dërgesat e parave