“Rama i shqetësuar për rezolutën e PPE”, Bylykbashi tregon çfarë i shkroi Weberit

Deputeti i Partisë, Demokratike Oerd Bylykbashi tha në emisionin Now në Euronews Albania se kryeministri Edi Rama është i shqetësuar për rezolutën e miratuat nga PPE për Shqipërinë ku ngrihet shqetësimi për “persekutimin politik të liderëve të opozitës”.

Sipas tij, kryeministri i ka shkruar një letër kreut të PPE që të mos e miratojë atë rezolutë, por ajo u votua në unanimitet 1 javë më parë.

“Rezoluta e PPE ka diçka të fortë, shpreh shqetësimin në lidhje me persekutimet politike të liderëve të opozitës që përballen me kufizime të motivuara politikisht. E dini ju që Rama është shqetësuar shumë për draftin? I ka çuar letër presidentit të PPE, Weber, që të merret me këtë rezolutë, se ajo nuk mund të miratohet pasi Shqipëria ka bërë hapa të jashtëzakonshme. Të premten ja ktheu mbrapsht me votë unanime. Ai i kërkoi presidentit të PPE ta shqyrtojë këtë çështje, por drafti u miratua në unanimitet”, tha Bylykbashi.

LEXONI GJITHASHTU:

• Berisha falenderon gjyqtaren që e liroi: Nderoi ligjin
• Berisha fjalim pas lirimit: Sot është një ditë e mirë dhe për kundërshtarët e mi