Rama thirrje të rinjve: Forcat e Armatosura hapin dyert, çfarë përfitojnë aplikantët

Kryeministri Edi Rama ka bërë një njoftim me anë të një postimi në rrjetet sociale ku iu bën thirrje të rinjve që të bëhen pjesë e Forcave të Armatosura, duke kontribuuar kështu për sigurinë e vendit.

Me anë të postimit, kryeministri Rama tregon se duke u bërë pjesë e aplikimeve, të rinjtë përfitojnë të ardhura mujore jo më pak se 75.000 lekë, shërbim shëndetësor falas, arsimim dhe aftësi profesionale falas.

Për aplikantët gjithashtu ofrohet trajnim dhe stërvitje jashtë vendit dhe së fundmi, mosha maksimale e rekrutëve duhet të jetë 30 vjeç.

Afati i fundit i aplikimeve në Forcat e Armatosura është deri më datë 30 dhjetor 2024

Rama ka publikuar edhe linkun, ku të rinjtë mund të aplikojnë për të qenë pjesë e Forcave të Armatosura në Shqipëri.