“Prita 16 vite për 1 fëmijë”, flet 41-vjeçarja që lindi me In-Vitro

Soreja, quhet bebja e parë që ka ardhur në jetë me teknikën e riprodhimit të asistuar në Spitalit Universitar Obstetrik – Gjinekologjik “Koço Gliozheni”.

Nëna e saj Erida foli në një lidhje telefonike për Euronews Albania ku tregoi emocionet e saj dhe u shpreh se kishte 16 vite që priste për këtë ditë.

“Ka shkuar shumë mirë, kam pasur dhe tentativa herë të tjera por këtu qëllova me të parën falë dhe stafit të këtyre doktorëve ia arrita të isha e para. Kisha 16 vite martesë dhe tentoja për të ngelur shtatëzënë por që u futa këtu dhe ndodhi kjo mkrekullia që e kam në krahë. E kemi quajtur Soreja, një princeshë që ka ardhur në jetë. Falenderoj shumë mjekët që kanë qenë fantastikë nga i pari tek i fundit. Për mua dhe bashkëshortin ishte një lumturi shumë e madhe dhe çdo gjë ishte falas”, tha Erida.

Mjeku në studio shpjegoi që asgjë nuk është falas në mjekësi por grave pasi u miratohet aplikimi e përfitojnë falas çdo gjë dhe shpenzimet përballohen nga shteti nëpërmjet rimbursimit.

LEXONI GJITHASHTU:

• Vjen në jetë Soreja, bebja e parë me metodën invitro në materitetin “Koço Gliozheni”
• Pas Sorejas, 8 bebe të tjera pritet të vijnë në jetë falë Fekondimit In-Vitro