Manjani për sherrin Shehaj-Noka-Mziu: “Ishte kurth”, sot e “hëngri Muli”…

Juristi Ylli Manjani ishte i ftuar këtë të enjte në emisionin “Now” në Euronews Albania nga ku ka folur për konfliktin e ndodhur në Parlament mes opozitës, saktësisht mes Agron Shehajt, Flamur Nokës dhe Xhelal Mziut.

Sipas Manjanit, kjo situatë ishte tejet e zakonshme referuar kushteve ku ndodhemi në prag zgjedhjesh.

“Asgjë e jashtëzakonshme, në kushtet ku jemi në prag fillimi të fushatës elektorale ku çdo fjalë dhe hapësirë publike shfrytëzohet, edhe në Parlament ndodh diçka e tillë.

E vetmja gjë e re ishte mllefi i akumuluar me eksponent si Shehaj. Ka një mllef të brendshëm i cili u shfry sot dhe kaq. Dikur deputetët ja thonin njëri-tjetrit në vesh sot gjërat, sot ja thonë haptazi. Shehaj e ka deklaruar vetë se nuk shifte pika takimi me PD”, tha juristi.

Ai theksoi se e gjithë situata ishte qartësisht një kurth që të ndodhnin konfrontime dhe largime nga Parlamenti.

“Asgjë anormale, sot e hëngri Muli, nesër dikush tjetër. I jashtëzakonshëm është vetëm fakti kur Parlamenti është bosh”, u shpreh Ylli Manjani.

LEXONI GJITHASHTU:

• Deputetët thyejnë etikën në Parlament, dy ditë diskutime për buxhetin mes ofendimeve, sulmeve dhe sherreve
• Barometri| Si ka ndryshuar pëlqyeshmëria për Agron Shehaj në muajt e fundit