Mure betoni 4 m të larta/ Qeveria nxjerr rregullat për kultivimin e kanabis mjekësor

Këshilli i Ministrave ka miratuar të enjten, vendimin që përcakton standardet e sigurisë dhe rregullat për sipërfaqet e kultivimit dhe përpunimit të kanabisit për qëllime mjekësore në vendin tonë.

Subjektet që kërkojnë licencë për kultivimin e kanabisit mjekësor duhet të sigurojnë monitorim të vazhdueshëm me kamera me rezolucion të lartë dhe ruajtje të të dhënave filmike deri në një vit në serverë “Cloud” brenda BE-së.

Gjithashtu mjediset duhet të rrethohen nga mure betoni 4 metra të lartë, me tela gjembash, për ambientet e hapura dhe të mbrojtura. – Ruajtje 24-orëshe nga subjekte të specializuara sigurie, të licencuara nga legjislacioni në fuqi si dhe pajisje teknologjike të avancuara për kontrollin dhe detektimin e hyrjeve të paautorizuara.

Vendimi gjithashtu rregullon lëvizjen e automjeteve të transportit për lëndët e para dhe produktet finale të subjekteve të licencuara.

LEXONI GJITHASHTU:

• Ferma me kanabis në Berat, në gjykim 17 persona, SPAK shpall moskopetencë për 93 gra
• Kultivonte kanabis dhe dhunonte gruan, arrestohet 35-vjeçari në Poliçan