SHBA miraton qeset e nikotinës ZYN. Revolucion në reduktimin e dëmit te duhanpirësit

Administra e Ushqimit dhe Barnave (FDA) ka autorizuar shitjen e qeskave të nikotinës ZYN në SHBA, duke u bërë kështu produkti i parë dhe i vetëm në këtë kategori.

Vendimi i bazuar në fakte shkencore konfirmon se qeskat e nikotinës ZYN janë një alternativë më pak e dëmshme për duhanpirësit e rritur. Ky vendim vjen në momentin kur FDA ka arritur në përfundimin se shitja e këtyre produkteve është në përputhje me parimet e mbrojtjes së shëndetit publik.

I ftuar në Emisionin ’Health o’clock’ nga Brunilda Cami, në Euronews Albania, Eksperti për Çështjet e Duhanit dhe Alkoolit, Roland Shuperka u shpreh se këto produkte kanë kaluar rishikime të rrepta shkencore, përfshirë vlerësime toksikologjike, dhe janë gjetur të përputhen me standardet shëndetësore publike.

“Në datën 17 janar FDA-ja i vuri vulën. FDA miratoi qeset e nikotinës, ZYN si një produkt më pak të dëmshëm se produktet e duhanit dhe më pas u çertifikuan në SHBA.  Në këtë drejtim, këto produkte janë absolutisht më pak të dëmshme se duhani. Duhet të vazhdojmë ti përdorim dhe të krijojmë një strategji”, tha eksperti Roland Shuperka.

Ky autorizim është një hap i rëndësishëm për mbrojtjen e shëndetit publik duke qenë se këto produkte janë një alternativë më e mirë për përdoruesit e rritur të cigareve tradicionale.

Për të përfituar nga ulja e dëmit, ekspertët FDA këshillojnë që përdoruesit të kalojnë plotësisht nga cigaret te qeset me nikotinë.

LEXONI GJITHASHTU:

• Duhani shkakton 16 lloje kanceri, mjeku pneumolog: Kemi pacientë 30 vjeçar të prekur
• 38,8% e shqiptarëve duhanpirës, eksperti Shuperka: Cigarja e parë nis edhe 7-vjeç