A e kalon dot oqeanin? Rama: Jo vetëm që e kaloj por kam një surprizë për “kënetën”

Kryeministri Edi Rama ka zhvilluar një bashkëbisedim me qytetarët në rubrikën e tij “Sy me Sy” në Facebook, këtë herë nga Panairi i Turizmit në Berlin, Gjermani.

Gjatë këtij takimi virtual, një qytetar e pyeti Ramën se nëse, tani që Donald Trump ka marrë presidencën e Shteteve të Bashkuara, do të jetë në gjendje të kalojë oqeanin.

Kryeministri u përgjigj duke theksuar se nuk ka pasur kurrë probleme me oqeanin dhe se jo vetëm që e kalon oqeanin, por gjithashtu ka një “surprizë” për qytetarin që e pyeti.

“Unë nuk kam pasur probleme me oqeanin, por ti qenke zgjuar në kënetë dhe ke fjetur atje. Unë s’kam problem me oqeanin dhe të jesh i sigurt që e kaloj sa herë të dua, dhe mos u çudit fare se jo vetëm do ta kaloj, por po ta lë për surprizë që do ta bëj ty dhe kënetës. Eh, çfarë na gjeti, ‘a e kalon dot oqeanin’ më thotë,” tha Rama, duke e mbyllur bisedën.

Rama paralajmëron takim me Trump? Përgjigjet nëse e kalon Oqeanin pic.twitter.com/40x8OUr3gK

— Euronews Albania (@EuronewsAlbania) March 4, 2025

LEXONI GJITHASHTU:

• Berisha në Milano: Fitorja jonë është e pamohueshme, 3 muajt e fundit janë dëshmi
• Rama: Do hapim një aeroport të ri që do menaxhohet nga aeroporti i Mynihut