Analisti: U ngrit një tymnajë e madhe por pa SPAK nuk ka integrim në BE

I ftuar në emisionin “NOW me Erla Mëhillin”, analisti Elvis Iljazaj u shpreh se pa SPAK, Shqipëria nuk mund të integrohet dot në Bashkimin Europian.

Ai theksoi se, pavarësisht tymnajave që ngrihen, SPAK është i pakthyeshëm dhe pa luftë kundër korrupsionit, sipas tij vendi vendi nuk mund të integrohet dot në strukturat euroatlantike.

“Unë jam europian. Shiko, këtu u ngrit një fabul dhe një tymnajë. Tani, unë nuk e di se për çfarë kanë ardhur amerikanët në SPAK, por që kur ikën, u ngrit një tymnajë e madhe, me demek se SPAK-u ishte prodhim i korrupsionit të Soros-it dhe se Trump do ta shkrinte. Unë po them që PD, kur ikën amerikanët, kishte një entuziazëm dhe tha se ikën amerikanët nga SPAK dhe tani administrata e re e sheh SPAK-un si një prodhim të Yuri Kim, Soros-it dhe të tjerë më radhë. Unë di një gjë shumë të sigurt dhe ja u them me bindje: SPAKU është i pakthyeshëm. Pa SPAK dhe pa luftë kundër korrupsionit, nuk ka integrim të Shqipërisë në BE. Pa SPAK, nuk ka integrim të Shqipërisë në Bashkimin Europian”, e mbylli fjalën e tij Iljazaj.

LEXONI GJITHASHTU:

• “Dumani u bë personi më i rëndësishëm”, Manjani: Çfarë kanë në mëndje Rama e Berisha
• “Akoma nuk ka realizuar ato që premtoi në 2013”, Alimehmeti: PS nuk ka program