I ngatërruan kodin e Sky, GJKKO heq masën e arrestit me burg për Kreshnik Budllën

GJKKO pranon Gjykata e Posaçme Kundër Korrupsionit dhe Krimit të Organizuar, , ka pranuar kërkesën e Mbrojtjes së Kreshnik Budlla Farrukut dhe të Prokurorisë së Posaçme Kundër Korrupsionit dhe Krimit të Organizuar duke hequr masën e sigurisë së arrestit me burg.

Kjo erdhi pas verifikimit ku kodi pin Sky Ecc nuk i përkiste atij, por të vëllait Roland Farruku. Megjithatë Kreshnik Budlla (Farruku) nuk lirohet pasi ka masë sigurie për llogari të ekstradimit në Itali.

Kreshnik Farruku u vetëdorëzua në Policinë e Durrësit javën e parë të janarit, por Gjykata e Durrësit vendosi ta lirojë atë me masën e siguris të “arrestit në shtëpi.”

Ndërkohë, pas një operacioni të koordinuar, RENEA e arrestoi Kreshnik Farrukun në Durrës për llogari të SPAK-ut.

SPAK tha se ka gjetur prova të reja për grupin kriminal për të cilin ka regjistruar procedim penal. Kollçaku e Ndoci u arrestuan në nëntor të vitit të kaluar në bazë të një urdhri ndërkomnëtar të lëshuar nga drejtësia italiane, ndërsa këtë të hënë u njohën me një masë të dytë

Kreshnik Budlla (Farruku) dhe vëllai i tij, Erneo Farruku, akuzohen për përfshirjen në një klan kriminal të trafikut të lëndëve narkotike jashtë territorit shqiptar. Ata janë ndaluar për qëllimin e ekstradimit drejt Italisë, lidhur me aktivitetet kriminale që kanë zhvilluar në kuadër të një organizate të strukturuar ndërkombëtare që ata drejtojnë.

LEXONI GJITHASHTU:

• “S’jam unë ai që pretendoni në Sky”- GJKKO lë në burg Kreshnik Budllën
• Ishte në kërkim nga Italia, vetëdorëzohet në polici Kreshnik Farruku Budlla