Tirana shkatërron Partizanin në derbi, 3 pikë shprese për bardheblutë

Tirana ka arritur një fitore të rëndësishme 3-0 në derbin e kryeqytetit ndaj Partizanit, duke marrë një 3 pikësh jetik për mbijetesën në Superligë.

Me këtë fitore, Tirana ngjitet në vendin e 8-të të klasifikimit me 35 pikë, aq sa ka dhe Teuta e vendit të 9-të, ndërsa Laçi pozicionohet i fundit me 33 pikë. Partizani mbetet në vendin e katërt me 47 pikë, i ndjekur hap pas hapi nga Elbasani me 46 pikë, i cili fitoi ndaj Egnatias.

Momentet e ndeshjes:

• 19′ GOL! Tirana shënon golin e parë me anë të Zharmunit. Pas një goditjeje dënimi, topi godet traun e portës dhe, në kthim, Zharmuni e dërgon topin në rrjetë me kokë.
• 41′ GOL! Zharmuni shënon dopietë. Pas një depërtimi të bukur në zonë, pasimi i tij ndalet me dorë dhe Xhaja akordon penallti. Zharmuni tregohet i saktë nga 11 metra.
• 68′ GOL! Tirana shënon golin e tretë kur Ernest driblon Alban Hoxhën dhe portieri i Partizanit e ndalon me faull në zonë. Ernest nuk gabon nga pika e penalltisë dhe e çon rezultatin në 3-0.

• 88′ GOL! Keko shënon një supergol nga rreth 30 metra ku Selmanit i shpëton nga dora topi i cili ndalet në rrjetë. Të kuqtë festojnë por Xhaja bën shenjë që goli nuk vlen për një pozicion jashtë loje gjatë aksionit.

Formacionet:

• Tirana: Selmani, Vera, Mici, Kola, Dembele, Përgjoni, Soler, Smaçi, Ndreca, Zharmuni, Ernest.
  Trajner: Bledi Shkëmbi.

• Partizani: Hoxha, Preka, Domgjoni, Osmanllari, Buxhelaj, Ismaili, Mintongo, Taipi, Padstrelau, Bintsuka, Keko.
  Trajner: Skënder Gega.

Komisioni i Arbitrimit në Federatën Shqiptare të Futbollit ia kishte besuar Juxhin Xhajës drejtësinë në derbin mes Tiranës dhe Partizanit. Arbitri i FIFA u asistua nga Arbër Zalla dhe Rejdi Avdo ndërsa Florjan Lata ishte arbitri i katërt. Në VAR ishite Kreshnik Bajramaj, ndërsa në AVAR Emanuela Rusta.

LEXONI GJITHASHTU:

• “E nxori Dinamon nga kategoria”, Dabulla: Shkëmbi po bën të njejtën gjë me Tiranën
• “Tirana më e dobët e 20 viteve të fundit”, Dabulla: Ekipit i mungon dhe lideri