Aksidentoi një grua me zetor dhe u largua nga vendngjarja, arrestohet 77-vjeçari

Një aksident i rëndë ka ndodhur në fshatin Gjashtë, ku një 77-vjeçar ka aksidentuar me zetor një grua 52-vjeçare.

Pas ngjarjes, autori është larguar nga vendi i aksidentit, por më pas është identifikuar dhe arrestuar nga policia e Vlorës.

Sipas autoriteteve, 52-vjeçarja e aksidentuar ndodhet nën kujdesin e mjekëve, në Spitalin e Traumës në Tiranë.

Njoftimi i policisë

“Aksidentoi rëndë një këmbësore në Sarandë dhe u largua nga vendngjarja, identifikohet dhe vihet në pranga drejtuesi. Ndalohet një tjetër drejtues në gjendje të dehur, në Vlorë.

Specialistët e Seksionit të Trafikut Urban dhe Interurban në Sarandë arrestuan në flagrancë shtetasin R. S., 77 vjeç, banues në fshatin Gjashtë, pasi më datë 11.04.2025, në rrugën e fshatit Metoq, duke drejtuar pa leje drejtimi një mjet bujqësor (zetor), ka aksidentuar këmbësoren P. Z., 52 vjeçe, banuese në fshatin Gjashtë, e cila si pasojë e aksidentit është dëmtuar rëndë.

Pas aksidentit, drejtuesi i mjetit është larguar nga vendi i ngjarjes, por është identifikuar dhe arrestuar nga shërbimet e Policisë. Shtetasja e dëmtuar ndodhet aktualisht në Spitalin e Traumës në Tiranë, nën kujdesin e mjekëve”, thuhet në njoftimin e policisë.

LEXONI GJITHASHTU:

• Policia godet rrjetin e prostitucionit dhe kokainës në Vlorë, arrestohen 4 persona
• Mbërrin kroçera e parë me turistë në Vlorë, më e madhja ndonjëherë