Raste sporadike me fruth në Shqipëri, ISHP: Vaksinoni fëmijët

Edhe pse në mënyrë sporadike, rastet me fruth nuk mungojnë në Shqipëri. Aktualisht janë  identifikuar14 fëmijë të grupmoshës 0-14 të prekur nga Fruthi. Ekspertët e ISHP bëjnë me dije se, një vatër infektimi është identifikuar së fundi në një çerdhe private në Fier.

“Kemi patur disa raste pozitive me fruth dhe kjo te fëmijë që kanë qenë të pavaksinuar. Madje janë konfirmuar raste në një çerdhe në qytetin e Fierit, që kanë qenë të pa vaksinuar”,-tha Rovena Daja Specialistë ISHP.

Vaksinat e fruthit aplikohet në dy doza në moshën 1 dhe 5 vjeç. ekspertët thonë se mos vaksinimi i vë fëmijët në rrezik.

Specialistët apelojnë për vaksinim në kohë të fëmijëve, por edhe ato që e kanë kaluar moshën, mund të vaksinohen.

OBSH prej më shumë se një viti ka paralajmëruar se rastet me fruth do të vijojnë të rriten, shkak është ulja e mbulesës vaksinale në të gjithë Evropën. Sa i takon Shqipërisë aktualisht mbulesa vaksinale e një dozë është 81%, ndërsa ajo me dy doza 92%. Pragu i mbulesës vaksinale që mundëson parandalimin e shpërthimeve duhet të jetë mbi 95%.

LEXONI GJITHASHTU:

• Nafta dhe këpucët rritën eksportet në mars, shtohen importet nga Kina
• Bie nga kati i 11-të i pallatit, ish-futbollisti i Gabonit humb jetën në Kinë