Godet me grusht policin, në pranga 23-vjeçari në Tiranë

Policia e Tiranës ka raportuar disa ngjarje të rëndësishme që kanë ndodhur gjatë 24 orëve të fundit, duke përfshirë arrestimin e një shtetasi dhe shpalljen në kërkim të një tjetri, si dhe hapjen e procedimeve për dy adoleshentëve të dyshuar për shkatërrimin e pronës publike.

Blutë e kryeqytetit arrestuan shtetasin R. B., 23 vjeç, pasi ai ka goditur me grushte një punonjës të policisë gjatë një kontrolli në automjetin e tij.

Ky incident ka ndodhur gjatë një operacioni rutinë. 23-vjeçari u arrestua në flagrancë dhe po mbahet në burg për veprën penale të “Sulmit ndaj punonjësit të policisë”.

Ndërkohë në një rast tjetër, në kërkim është shpallur një 42-vjeçar, i cili akuzohet për mashtrim dhe vjedhje. Sipas denoncimit të një taksisti, shtetasi A. Q. gjatë një udhëtimi në taksi i ka marrë një shumë parash me anë të mashtrimit dhe i ka vjedhur gjithashtu xhiron ditore. Policia po punon për kapjen e 42-vjeçarit dhe përzbardhjen e rrethanave të ngjarjes.

Specialistët për Hetimin e Krimeve të Komisariatit të Policisë Nr. 6 kanë nisur procedime për dy 14-vjeçarë të dyshuar për shkatërrimin e pasurisë publike. Dy të rinjtë akuzohen se kanë thyer xhamat e një autobusi që ndodhej në zonën e njohur si “Kombinati”. Materialet janë referuar në Prokurorinë e Tiranës për veprime të mëtejshme.

Materialet në ngarkim të tyre u dërguan në prokurorinë e Tiranës për veprime të mëtejshme.

LEXONI GJITHASHTU:

• Goditen 2 raste të trafikimit të drogës, Policia e Tiranës sekuestron 7.7 kg kanabis
• Shpërndanin kokainë dhe kanabis, arrestohen 2 të rinj në Tiranë