“Te Barcelona ndihem si në shtëpi”, Markus Rashford nis aventurën e re në La Liga

Në prag të sezonit të ri të La Liga-s, Barcelona ka bërë një goditje të rëndësishme në merkato, duke prezantuar sulmuesin e njohur britanik Markus Rashford.

Me entuziazëm dhe pritje të mëdha, lojtari u shpreh se ndihet si në shtëpi në klubin katalanas, duke marrë fanellën me numrin 14 dhe një pagë prej 14 milionë eurosh në sezon.

Rashford vjen si huazim për një sezon, me të drejtë blerje, duke u bërë kështu afrimi më i fundit i blaugranëve.

Në fjalët e tij të para, sulmuesi britanik u shpreh i lumtur për këtë transferim.

“Barcelona është një klub ku ëndrrat bëhen realitet. Ajo që përfaqëson klubi ka shumë rëndësi për mua, dhe ndihem sikur jam në shtëpi. Ky është një faktor i madh në zgjedhjen time. Ndihem si pjesë e një familjeje”, deklaroi sulmuesi në intervistën e tij të parë.

Rashford vjen pas një sezoni huazimi te Aston Villa në Premier League.

Ai iu bashkua ekipit të parë të Manchester United në vitin 2015, kur ishte vetëm 17 vjeç, dhe konsiderohej një nga talentet më të mëdhenj të klubit.

Vitet e fundit nuk kanë qenë të lehta për të, për shkak edhe të disa problemeve disiplinore dhe gjobave nga drejtuesit e Djajve të Kuq.

LEXONI GJITHASHTU:

• Spanja eliminon Gjermaninë dhe shkon në finalen e madhe të Europianit të femrave
• Kualifikueset e Conference League, Dinamo City dhe Vllaznia zbresin në fushë