Vlorë: Kabllo elektrike bie në masë, jep shkëndija pranë vendkalimit të këmbësorëve

Një kabull elektrik i tensionit të ulët ka rënë në masë pas një defekti teknik në qytetin e Vlorës, duke shkaktuar shkëndija elektrike në ajër pranë një vendkalimi këmbësorësh në rrugën Transballkanike, afër zonës së njohur si “Ish-parku i tregtisë”.

Për shkak të rrezikut që paraqet për kalimtarët dhe banorët e zonës, është njoftuar menjëherë shërbimi zjarrfikës, i cili ndodhet në gatishmëri për të ndërhyrë në rast emergjence. Paralelisht, është lajmëruar edhe OSHEE, e cila ka nisur punën për riparimin e defektit dhe eliminimin e rrezikut për qytetarët.

Autoritetet kërkojnë kujdes nga qytetarët që frekuentojnë zonën derisa situata të vihet plotësisht nën kontroll.

LEXONI GJITHASHTU:

• Goditja e rrjetit të drogës nga SPAK/Sekuestrohen 6 ton lëndë narkotike, 16 në hetim
• VIDEO/ Ndihmoi 26-vjeçaren të mbyste të atin, flasin të afërmit e Çlirim Doganit