Zbulohen emrat e kryetarëve të rinj të Komisioneve parlamentare nga mazhoranca

Mazhoranca ka përcaktuar emrat e kryetarëve që do të udhëheqin 6 nga komisionet më të rëndësishme parlamentare për legjislaturën e re. Euronews Albania ka siguruar listën zyrtare me përbërjen e re të drejtuesve, që pritet të miratohet në seancën e radhës.

1. Komisioni për Ekonominë, Punësimin dhe Financat do të drejtohet nga Milva Ekonomi, një emër i njohur për përvojën e saj në administratën publike dhe fushën e financave.
2. Komisioni për Çështjet Ligjore dhe Administratën Publike do të udhëhiqet nga Ulsi Manja, aktualisht Ministër i Drejtësisë dhe një nga figurat kyçe në reformën në drejtësi.
3. Komisioni për Çështjet e Brendshme dhe të Mbrojtjes i besohet Bledi Çuçit, ish-ministër i Brendshëm, me eksperiencë në menaxhimin e sigurisë dhe rendit publik.
4. Komisioni për Burimet Natyrore, Infrastrukturën dhe Zhvillimin e Qëndrueshëm do të drejtohet nga Anila Denaj, ish-ministre e Financave dhe njohëse e mirë e çështjeve të zhvillimit strategjik.
5. Komisioni për Bujqësinë, Ushqimin dhe Zhvillimin Rural do të ketë në krye Blendi Klosin, një tjetër emër me përvojë në disa dikastere, përfshirë edhe mjedisin dhe turizmin.
6. Komisioni për Evropën dhe Punët e Jashtme do të drejtohet nga Igli Hasani, ish-ministër për Evropën dhe Punët e Jashtme, me karrierë diplomatike dhe angazhim në procesin e integrimit europian.
7. Komisioni për Nismat qytetare, Bashkëpunimin dhe Mbikëqyrjen institucionale do të drejtohet nga Fatmir Xhafaj

Ndërkohë Komisionet e Posaçëm do të drejtohen nga Damian Gjiknuri dhe Arbjan Mazniku.

1. Komisionin e Posaçëm për Reformën Zgjedhore, Damian Gjiknuri

2. Komisionin e Posaçëm për Reformën Territoriale, Arbjan Mazniku

LEXONI GJITHASHTU:

• Rama propozon 11 komisione parlamentare, si ndahen mes mazhorancës dhe opozitës
• Ulen komisionet për pagesat elektronike, asnjë tarifë deri në 40 mijë lekë