Media greke: Shqiptarët festuan njësoj si në vitin 2004 kur mundën Greqinë

Ditët e fundit, Shqipëria ka jetuar për ndeshjen me Serbinë për arsye konkurruese dhe jo vetëm, pasi ekziston një histori e pasur tensionesh midis dy vendeve, si për arsye sportive, ashtu edhe për arsye politike shkruan media greke Protothema.

“Në vendin fqinj, ata kishin të gjitha arsyet për të festuar fitoren e Kombëtares Shqiptare me 1-0 të shtunën në mbrëmje, pasi ata u bënë edhe favoritë për t’u kualifikuar në Kupën e Botës 2026 në SHBA, Kanada dhe Meksikë”.

“Ashtu si me Greqinë”

“Pas fitores, mijëra njerëz dolën në rrugë, ndërsa skenat në Tiranë dhe qytete të tjera të vendit me festimet ishin të ngjashme me festën që pasoi fitoren ndaj Greqisë në vitin 2004. Në atë kohë, Kombëtarja shqiptare e mposhti ekipin tonë kombëtar 2-1 në një ndeshje në Tiranë.

Ndërsa në Prishtinë, një burrë që mbante një flamur shqiptar rreth qafës, nxori një armë dhe filloi të qëllonte në ajër.

12.10.2025, Serbia🇷🇸 – Albania🇦🇱, Albanian fan celebrating by firing a gun in Prishtina , clcik here for more: https://t.co/U5l9xn8fim

All in one place. Tap to download.
🔗 https://t.co/FXnrFRpzhv pic.twitter.com/sJZraXihLZ

— Hooligans.cz Official (@hooliganscz1999) October 11, 2025

Pas ndeshjes, dhe ndërsa skuadra hipi në aeroplan për t’u kthyer në shtëpi, lojtarët e ekipit kombëtar filluan të këndonin parulla për Adem Jasharin (1955–1998), i cili konsiderohet hero kombëtar për shqiptarët, sepse ishte një nga anëtarët themelues të Ushtrisë Çlirimtare të Kosovës dhe luftoi për pavarësinë e saj në vitet 1990.

Ai lindi në Prekaz dhe u vra, së bashku me pothuajse të gjithë familjen e tij, në mars të vitit 1998, kur forcat serbe rrethuan fshatin e tij.

Për shqiptarët, kjo sakrificë hyri në histori si shkëndija që çoi në Luftën e Kosovës dhe e bëri Jasharin simbol të lirisë dhe revolucionit në vend, megjithëse për serbët ai është terrorist dhe përgjegjës për masakrën e mijëra civilëve.

Në fund, kishte mjaft njerëz që prisnin në aeroport delegacionin shqiptar që të kthehej nga Serbia për t’i duartrokitur në këmbë”. shkruan Protothema.

LEXONI GJITHASHTU:

• Mediat ndërkombëtare jehonë fitores historike të Shqipërisë në Serbi
• Rey Manaj, rënia në Tiranë dhe ngritja në Serbi
• Përfundon ndeshja Serbi-Shqipëri, Manaj shkruan historinë me 1 gol